இந்த இரவில்
இன்னும் அன்பிற்கினிய இருவர் பிரியாமல் இருக்க வேண்டும்
இன்னும் கூடடையாத பறவை திரும்பிட வேண்டும்
இன்னமொரு தெரு நாய்
அடிபடாமல் இருக்க வேண்டும்
இன்னும் முடியாமல் இருக்கும் தலையணை நனைதல்கள்
உறைந்திட வேண்டும்
இன்னுமொரு தற்கொலை நடவாமல் இருக்க வேண்டும்
இன்னும் பசியடங்காமல் இரத்த தீற்றல்களுடன் அலையும் ஓநாய்கள்
அமைதியடைய வேண்டும்
பேரன்புடன் இரட்சிக்கும் சாத்தானே
இந்த இரவு மட்டும் இரவாகவே இருந்திட வேண்டும்
